Компьютерлік графика түрлері

Мұхан Ағырза Ордалықызы
№21 орта мектептің информатика пәнінің мұғалімі
Ақтау қаласы, Маңғыстау облысы
Сабақтың тақырыбы: Компьютерлік графика түрлері
Сабақтың мақсаттары:
А) Білімділік: Оқушыларды компьютерлік графикалық редакторлармен таныстыра отырып, графикалық редакторлардың мумкіндіктерін түсіндіру;
Ә) Дамытушылық: Оқушылардың компьютерлік графикамен жұмыс істеу принциптерін меңгерту арқылы теориялық білімін, ой-өрісін, шапшаң ойлау қабілетін дамыту. Шығармашылыққа баулу;
Б) Тәрбиелік: Оқушылардың эстетикалық талғамын қалыптастыра отырып, жан-жақты болуға, техникалық құрылғыларды пайдалану барысында ұқыптылыққа, мәдениеттіліке тәрбиелеу;
Сабақтың типі:Аралас сабақ.
Сабақтың барысы: І.Ұйымдастыру бөлімі.
ІІ. Үй тапсырмасын сұрау
ІІІ.Жаңа сабақтың мазмұны:
1. Растрлық кескін дегеніміз – түрлі түсті нүктелердің (пиксельдердің) жиынтығы. Олардың саны бейненің өлшемі мен шешімі арқылы анықталады. Растрлық графикада кескіндер түрлі-түсті нүктелердің жиынтығынан тұрады. Растрлық кескінді құрайтын әрбір пиксельдің өз орны мен түсі болады және әр пиксельге компьютер жадында бір ұяшық қажет.
2. Векторлық графиканың ерекшеліктері:
Векторлық кескіндер, бұл — сызық, доға, шеңбер және
тікбұрыш сияқты геометриялық объектілер жинағынан тұратын кескіндер. Бұл жерде вектор дегеніміз — осы объектілерді сипаттайтын мәліметтер жиынтығы.
3. Фрактальдық графиканың ерекшеліктері:
Фракталды графиканың жасалу әдісі сурет салуға немесе безендіруге емес, програмалауға негізделеді. Егер растрлық графикада растр (пиксель), ал векторлық графикада сызық базалық элемент болып табылса, фракталдық графикада математикалық формуланың өзі базалық элемент болып табылады, бұл компьютердің жадында ешқандай объект сақталмайды, кескін тек қана теңдік бойынша салынады деген сөз .
4. Растрлық графиканың артықшылығы мен кемшілігі:
Растрық графиканың артықшылығы: оның кез келген бөлігін өзгертуге, қажет болмаған жағдайда ішінара алып тастауға болады.Кемшілігі: Үлкейткенде оның көрінісі дөрекіленіп, керісінше кішірейткенде оның сапаасы нашарлап кетеді.
5. Векторлық графиканың артықшылығы мен кемшілігі:
Векторлық графиканың басты артықшылығы оған кескін сапасын жоғалтпай өзгеріс енгізуге, оңай кішірейтуге және үлкейтуге болатындығы.
Векторлық графиканың кемшілігі объектіні өрнектуге қолданылатын дерек көлемі аз..

ІV.Сабақты бекіту. Тапсырмалар орындау.

Үй тапсырмасы: Оқу.

Автор: Мұхан Ағырза Ордалықызы

№21 орта мектептің информатика пәнінің мұғалімі Ақтау қаласы, Маңғыстау облысы

18
Декабрь
0
2025
загрузка...
Loading...

Пікірлер: 0

Тек тіркелген қолданушылар ғана пікір қалдыра алады.