"Ш"дыбысы

Сабақтың тақырыбы: Ш дыбысы
Мақсаты: Өтілген дыбыстар туралы балалардың білімдерін бекіту. Ш дыбысы және оның әріп таңбасымен таныстыру.Балалардың ш дыбысы бар сөздерге мысалдар келтіріп, сол сөздерді қатыстырып бірнеше сөйлем құрату арқылы байланыстырып сөйлеуге үйрету, ұғымталдыққа тәрбиелеу.
Көрнекіліктері: кеспе әріптер, суреттер
Оқу іс-әрекетінің барысы:
І.Балалар шаттық шеңберіне тұрады, бір-бірлеріне жылы лебіздерін білдіреді.
ІІ.Үй жұмысын тексеру
-Дыбыс дегеніміз не?
-Дыбыстар нешеге бөлінеді?
-Дауысты дыбыстар нешеге бөлінеді?
ІІІ.Негізгі бөлім
1.Балалар,кім ш дыбысына байланысты тақпақ,жаңылтпаш айтып береді?
2.Жұмбақтар жасыру
Зулап түсіп төменге,
Шыға алмас менсіз бөгенге (шана)
Тікен-тікен тік пісте
Қысы жазы бір түсте (шырша)
-Шана сөзін айтып көріңдерші , ең бірінші қандай дыбыс естіліп тұр?
Ш әрпімен таныстыру: ш дыбысының баспа, жазба түрін көрсету.
Ш дыбысын ауаға жаздыру.
3. Сергіту сәті
Отырып-ақ орнымда,
Айдын көлді кешемін.
Сен білмесең егер де,
Былай ескек есейін
4. Тіл ұстарту жаттығуы
Шы-шы-шы Әкем менің аңшы.
5. Дәптермен жұмыс
Ш дыбысына байланысты байланысты берілген суреттердің аттарын атап, оларға дыбыстық талдау жасату. Қайшы, шаңырақ, ағаш сөздерінде ш дыбысы қай жерде тұрғанын талдату. Үлгіге қарап, үзік сызықтарды қосып , ш әрпінің баспа түрін жаздыру.
6. «Сөз ойла, тез ойла» дидактикалық ойыны.
Ш дыбысына сөз ойлату, сөзді дұрыс айтқан балаға ұсақ ойыншықтардан бір-бірден беріп отыру. Сөзді көп әрі дұрыс ойлаған болса, көп ойыншыққа ие болады. Кімнің ойыншықтарының саны артық болса, сол бала ұтады. Мысалы: шана, шар, шие, машина, ағаш, шымшық. Осы сөздерден сөйлем құрату. Бұдан кейін таныс дыбыстарды есте сақтау үшін сол дыбыс басталатын нәрселердің суретін көрсетіп, қай дыбыстан басталатынын тапқызу.
7. Қорытындылау
Шырша сөзі қай дыбыстан басталады? Ш дыбысы дауысты дыбыс па? Дауыссыз дыбыс па? - Шана сөзінде қанша буын бар? Шапалақ ұру арқылы буынға бөлдіру.
8. Оқушыларды мадақтау. Үйге: Ш дыбысын жазу

Автор: Исаджанова Зияда Айдархановна

ШҚО "Қарабұйрат орта мектеп-бақша"КММ

18
Декабрь
0
1547
загрузка...
Loading...

Пікірлер: 0

Тек тіркелген қолданушылар ғана пікір қалдыра алады.