Абайдың қара сөздері

Сабақтың тақырыбы: Абайдың қара сөздері
Сабақтың мақсаты:
Білімділік : Қазақтың ұлы ақыны Абай Құнанбайұлы туралы білімдерін толықтыру, қара сөздері туралы түсінік беру. Адамның ішкі жан дүниесін түсінуге, өз бойларында осы қасиеттер болуы үшін күресе білуге, қара сөздердің мәнін түсінуге баулу.
Дамытушылық : оқушылардың сөздік қорын, тіл байлығын дамыту. Ой қорыта білуге, аз сөзбен түйіндеуге дағдыландыру. Оқушының жеке тұлға болып қалыптасуына ықпал жасау, танымдық ойлау қабілеттерін дамыту.
Тәрбиелік: Абай қара сөздерінен ғибрат алуға, адамдық асыл қасиеттерге ұмтылуға, ізгілікке, имандылыққа тәрбиелеу.
Сабақтың түрі: жаңа сабақ
Сабақтың әдісі: сұрақ – жауап, пікірталас, топтық жұмыс.
Сабақтың көрнекілігі: интерактивті тақта, ақын шығармалары, Абайдың қара сөздері, М. Әуезовтің « Абай жолы» роман эпопеясы.
Пәнаралық байланыс: қазақ әдебиеті, тарих, өмірмен байланыс
Сабақтың барысы:
I Ұйымдастыру кезеңі:
II. Үй тапсырмасын тексеру

III Жаңа сабақ

. «Асыл сөзді іздесең, Абайды оқы, ерінбе! Адамдықты көздесең, жаттап тоқы көңілге!» - деп ақын Сұлтанмахмұт айтқандай, Абай - туған халқының , болашақ ұрпақтың өнегелі тәрбиешісі, ана тіліміздің, қазақ поэзиясының гүлденуіне зор үлес қосқан қамқоршысы, сөз зергері
1. « Ой қозғау» Абай кім?
Оқушылар осы сұрақ бойынша өз ойларын топтастырады.
« Топтастыру» стратегиясы :
2. Алдын ала берілген тапсырмалар бойынша сұрақтар беріледі
( Абайдың өскен ортасы, білімі, еңбектері жайында тоқталу)
I топ . Арғы атасы қажы еді. (Абайдың әкесі Құнанбай туралы) -3минут
«Атадан алтау,анадан төртеу». Абайдың өмір белестері
II топ. Абай сусындаған үш бұлақ.
Абай білім алған ордалар.
III топ Абай шығармалары
Абай –аудармашы
3. Мұғалімнің сөзі:
Абайдың 1890 – 1898 жылдар арасында жазылған шығармалары «Қара сөз» деп аталады. « Қара сөз» деген атаудың өлең сөзден бөлек шығарма мағынасын білдіретіндігіне, өлең өнерін қазақ қара сөз демейтіндігіне назар аударады. Қара сөз «проза» деген мағынада айтылған, еркін ой білдіру формасы екенін, ал, Абайдың қара сөздері – адамгершілік, мораль мәселелеріне арналған өсиет, толғау екендігі айтылады.
Абайдың қара сөздерінің тақырыбы әр алуан. Оның бәрін бір сабақта қарастыру мүмкін емес. Бүгінгі сабағымызда Абайдың отыз бірінші қара сөзіне тоқталамыз.
Абайдың «Отыз бірінші» қара сөзі интерактивті тақтадан оқылады.
2. (Мағынаны тану) жаңа сабақты топтық жұмыс барысында оқушылардың өз бетімен меңгеруіне жағдай жасау:
Топпен жұмыс.
I топ: Естіген нәрсені ұмытпастыққа төрт түрлі себеп бар: әуелі – көкірегі байлаулы берік болмақ керек; екінші — сол нәрсені естігенде я көргенде ғибрәтлану керек, көңілденіп, тұшынып, ынтамен ұғу керек; үшінші — сол нәрсені ішінен бірнеше уақыт қайтарып ойланып, көңілге бекіту керек; - төртінші - ой кеселі нәрселерден қашық болу керек.

II топ:. Егер кез болып қалса, салынбау керек.
Ой кеселдері: уайымсыз салғырттық, ойыншы-күлкішілдік, я бір қайғыға салыну, я бір нәрсеге құмарлық пайда болу секілді. Бұл төрт нәрсе - күллі ақыл мен ғылымды тоздыратұғын нәрселер. (әр топтан бір оқушы мазмұндап шығады)

3. Оқушыларға қара сөздің мазмұнын толығырақ ашу үшін сұрақтар қойылады.
- Бұл қара сөздің идеясы қандай?
- Бұл шығарманың бас кейіпкері бар ма? -. – Егер болса, ол кім?.
- Абайдың қара сөзі кімнің ойын білдіреді?
- Абай бар асыл ойын кімге арнады?
- Оның шығармашылық қызметінің негізгі мұраты не?

IV Ой толғаныс
Абайдың «Отыз бірінші» қара сөзінің мазмұны бойынша кесте толтыру ұсынылады. Тапсырма жұмыс дәптерінде орындалады..

Қара сөздегі ақын ойы Менің түсінігім



.V Қорытындылау :
Соқтықпалы, соқтықпақсыз жерде өсіп, мыңмен жалғыз алысқан Абай есімі ешқашан өлмек емес. Абай тірі, өйткені оның шығармалары мәңгі жасай бермек
VI Үйге тапсырма:
1. Қара сөздерді оқу, мазмұнымен танысу.
I топ : ( Кейіпкерге) Абай атамызға хат жазу
II топ: « Қара сөзден алған әсерім» ой толғау жазу
. VII Оқушылар білімін бағалау

Автор: Жолдасбаева Лариса Амандыққызы

Маңғыстау облысы,Ақтау қаласы,№17 орта мектебі

18
Декабрь
0
2116
загрузка...
Loading...

Пікірлер: 0

Тек тіркелген қолданушылар ғана пікір қалдыра алады.