Сайт учителя начальных классов
.
Қазақстандықтар Ленинград және Мәскеу үшін шайқастарда. -

Қазақстандықтар Ленинград және Мәскеу үшін шайқастарда.

Мұғалімдерге арналған оқу-әдістемелік нұсқаулар, хат | Ашық сабақтар жинағы | Тарихтан ашық сабақтар Загрузок: 1259 | Просмотров: 3022 | Размер: 18.8 Kb | Автор: ХабдуллинаМайгуль
5-сынып. Қазақстан тарихынан әңгімелер
Сабақтың тақырыбы: § 50. Қазақстандықтар Ленинград және Мәскеу үшін шайқастарда.
Сабақтың мақсаты:
• Білімділік: оқушыларға қазақстандыктардың Мәскеу және Ленинград қалаларын фашистерден қорғауда қоскан үлесі жайлы мағлұмат беру. Майдандағы Қазақстандықтардың ерлік істері жайында білім алуға жан-жакты жағдай жасау.
• Дамытушылық: тақырыпты оқыта отырып Ұлы Отан соғысы жайлы білімдерін одан әрі дамытуға жағдай жасау. Тарихи оқиғаларға баға бере білу дағдыларын қалыптастыруға көмектесу, ойлау қабілеттері мен шығармашылық әрекеттерін дамыту.
• Тәрбиелік: Қазақстандықтардың Мәскеу және Ленинград үшін шайқастардағы ерлік істерін үлгі ете отырып ерлікке, патриоттыққа, отансүйгіштікке тәрбиелеу, батырларға, отан қорғаушыларға деген құрмет сезімін ояту, өз елінің өткенін мақтан тұтуға үйрету.
Сабақтың түрі: аралас сабақ.
Әдісі: интерактивті
Пәнаралық байланыс: әдебиет, музыка, бейнелеу, т.б.
Көрнекілік: КСРО және Ұлы Отан соғысының картасы. Қазақстандық Кеңес Одағы Батырларының суреті, Мәскеу, Санкт-Петербург қалаларының суреттері.
Сабақтың барысы:
I. Ұйымдастыру кезеңі.
II. Үй тапсырмасын тексеру.
Ұйымдастыру кезеңін өткізіп болған соң өткен сабақты пысықтау мақсатында оқушылардан үй тапсырмасын сұраймын. Үй тапсырмасы екі түрлі бағытпен сұралады.
Алдымен бір-екі оқушыдан өткен сабақты карта арқылы сұраймын. Картадан фашистік Германияның Еуропадағы соғыс қимылы, КСРО-ға басып кірген өңірі сұралады. Оқушылар жауабын толықтырып өтемін.
Ары қарай үй тапсырмасын тексеру үшін негізінен өткен тақырыпқа байланысты салыстырмалы және проблемалық сұрақтар қоямын. Мұндай сұрақты алдын-ала дайындаймын.
Сұрақ мынадай бағытта қойылады:
1. Фашистік Германияның жаулап алу саясаты.
2. Қазақстан экономикасын соғысқа бейімдеп қайта құру.
3. Қазақстан майдан тылы.
Үй тапсырмасын сұрап болған соң өткен сабақты мұғалім өзі қорытындылап шығады. Онда Гитлерлік Германияның басқыншылық саясатына, КСРО-ны жаулап алудағы негізгі мақсатына шолу жасай отырып, оқушылармен бірлесіп тарихи тұрғыда баға бере кетуі керек. Сонымен қатар мұғалім өткен сабақты жаңа сабақпен байланыстыра кетуді ұмытпағаны жөн.

III. Жаңа сабақ.
Жаңа сабақтың тақырыбын, жоспарын тақтаға жазамын.

Сабақты баяндау жоспары:
1. Қазақстандыктар Мәскеу үшін шайқаста.
2. Қазақстандықтар Ленинград үшін шайқаста.

Тақырыпқа кіріспес бұрын оқушылардың назарын тақтадағы Мәскеу және Санкт-Петербург қалаларының суретіне аударамын. Аздап кіріспе жасап осы екі қала туралы оқушылардан не білетінін сұраймын. Әрі қарай оны өзім толықтырып қысқаша мағлұмат бере кетемін.
Оқулықта берілген екі тақырыпшаны оқушыларға кезекпен оқытып, мазмұнын сұраймын.
Түсіндіру бағыты
Бірінші бөлім:
- Мәскеу маңына жаулардың жақындауы.
- Мәскеуді қорғау.
- Панфиловшылар.
Екінші белім:
- Ленинград қоршауы.
- «Өмір жолы».
- Ленинградты қорғау.
Жаңа есімдер: Б. Момышұлы, И.В. Панфилов, В.Г. Клочков, М. Ғабдуллин, Т. Тоқтаров, Ә. Молдағулова, М. Мәметова, С. Баймағамбетов.
Бұдан кейін оқушыларға оқулықты пайдалана отырып кесте толтыртамын:
Мәскеу үшін шайқас Ленинград үшін шайқас
Уақыты
Құрамалар
Ерлік көрсеткен қазақстандықтар
Тарихи маңызы
Қорытынды кезең:
Сабақты қорытындылау мақсатында карточкалық тапсырмаларды пайдаланамын.
Сұрақ үлгісі:
1. Панфиловшылар ерлігі жайлы айт.
2. «Өмір жолының» маңызы.
Оқушылар жауабын тыңдаған соң карта және суреттерді пайдалана отырып бүгінгі тақырыпқа қорытынды жасаймын.
Бағалау:
Үй тапсырмасы: 1. 50-параграфты оқу ,Панфиловшылар ерлігі жайлы әңгіме жазу.

ID: 1472 | Просмотров: 3022