Сайт учителя начальных классов
.
Аз – көп деген ұғымды пысықтау; 1,2,3 цифрлары  туралы  ұғымды білу,  геомертиялық фигураларды ажырату -

Аз – көп деген ұғымды пысықтау; 1,2,3 цифрлары туралы ұғымды білу, геомертиялық фигураларды ажырату

Мұғалімдерге арналған оқу-әдістемелік нұсқаулар, хат | Ашық сабақтар жинағы | Математикадан ашық сабақтар Загрузок: 1269 | Просмотров: 5366 | Размер: 26.4 Kb | Автор: asilai
Білім беру саласы: Таным

Оқу іс – әрекет түрі: Математика

Тақырыбы: « Аз – көп деген ұғымды пысықтау; 1,2,3 цифрлары туралы ұғымды білу,
геомертиялық фигураларды ажырату»
Мақсаты:

а) Аз – көп деген ұғымды пысықтау;
ә) 1- ден 3 – ке дейінгі сандар туралы ұғымды үйрету;
б) геометриялық фигураларды табу қабілетін дамыту;
в) логикалық тапсырмаларды шешуді үйрету;

Мотивациялық - қозғаушылық:
Шаттық шеңбер:
Бүгінгі көктем күнінде,
Қуанатын күн келді!
Қайырлы таң,
Қайырлы күн.
Сондай жақсы көңілмен,
Басталады бұл сабақ.

Ұйымдастырылған оқу іс - әрекет барысы:

Тәрбиеші: Жарайсыңдар! Балалар, бүгін біз үшін ерекше сабақ. Бізге бүгін көп
қонақтар келіпті.
- Балалар қазір жылдың қай мезгілі?
- Көктем.
- Көктем мезгілінде күн қандай болады?
- Жылынады
- Көктемде құстар қайтадан ұшып келеді, аңдардың бәрі ұйқыларынан
оянады.Солай ма балалар.
Жарайсыңдар балалар, олай болса бүгінгі сабағымызды бастайық.
Қызықты сәт.
Жүгіріп қоян кіреді. Қолында сыйлығы бар.
Қоян: Сәлематсыздар ма! Балалар.
Тәрбиеші: Сәлематсыз ба қоян, қайдан келесің, көңілдісің ғой өзің?
Қоян: Ия, балалар бүгін менің туған күнім, менің достарым бәрі ұйқыларынан
тұрып, туған күніммен құттықтап жатыр. Ал, қасқыр сыйлық берді.
Тәрбиеші: Сыйлығыңды бізге көрсетесің бе? Қасқыр саған не сыйлады екен?
Қоян: Білмедім? Сыйлықты сендерге ашып көрсетейін бе? ( сыйлықты ашады)
Қоян: Ой балалар мына қораптың ішінде дым жоқ қой! Сонда мені қасқыр
алдағаны ма? ( - деп жылайды )

Тәрбиеші: Қоян тоқта ренжіме қораптың ішінде хат жатыр. Хатты ашып
көрейік.
Тірбиеші: Қоян қасқыр саған тапсырмалар беріпті сол тапсырманы орындасаң
сыйлығыңды табасың депті.
Қоян: Қандай тапсырма?
Тәрбиеші: Тапсырма математика сабағына байланысты екен.
Қоян: Ооооой, балалар тапсырманы орындауға маған көмектесесіңдер ме?
Тәрбиеші: Балалар қоянға көмектесеміз бе? - Ия
Ал, қоянжан сен жайғасып отыр, біздің балалар саған көмектесуге дайын.
( қоян отырады)

1 - тапсырма:
-Балалар енді тақтаға назар аударайық.
-Мына суретте не отыр? ( Мысық )
-Ал мына жерде нелер тұр? ( Күшіктер )
-Мысық мында нешеу екен? Қане санайық. ( 1 ) яғни біреу
-Ал күшіктер ше?
Санайық қәне мен сендерге көмектесейін. (1,2,3 ) яғни үшеу
-Ал сонда қайсысы көп мысық па әлде күшік па? ( Күшік )

Дұрыс айтасыңдар күшіктер көп екен.

Менің оң қолымда қалам, ал сол қолымда қарындаштар.

-Қайсысы көп? ( Қарындаштар )

2 - тапсырма: «Қай пішінге ұқсас?»
Тәрбиеші: Балалар, мынау қандай бұрыш? – деп жеке- жеке фигураларды көрсетеді,
балалар жауап береді. Дидактикалық ойын:
Жеке карточкаларда заттардың суреттері беріледі. Балалар тақтадағы үлгідегі
бос төркөзге қай пішінге ұқсас екенін салып көрсетеді.

Сергіту сәті:
Ұзын құлақ, сүр қоян,
Естіп қалып сыбдырды.
Ойлы қырлы жерлермен,
Ытқып ытқып секірді

3 тапсырма: « Сан қатары » ( суреттер бойынша сандарды орындарына қой )
Балаларға жеке карточкалар таратылып беріледі.
1....2....3 2.....1.....3
3....2....1.... 1.....3.....2



Тәрбиеші: Ой, жарайсыңдар балалар, деп жеке жұмыстарын көрсетіп мадақтайды.

Дауыс естіледі: о-оу- оу деп қасқыр кіреді.

Қасқыр: Сәламатсыңдар ма, балалар! Менің жіберген тапсырмамды орындадыңдар. Көп нәрсе білетіндеріңді мен мына « сиқырлы таяқшам » арқылы біліп отырмын.
- Жарайсыңдар балалар, бәрің де тапсырманы орындап, тамаша жауап
бердіңдер.
- Ал, енді қоянның сыйлығын берейін. ( сыйлығы беріледі )

Қоян: Сыйлығын ашып қарайды да, қуанып балаларға алғысын айтады, да екеуі орманға барамыз деп кетіп қалады.

Тәрбиеші: Міне, балалар, сабаққа өте жақсы қатыстыңдар. Қоянға көп көмек
көрсеттіңдер. Қасқырдың тапсырмаларын орындап, қоянның сыйлығын тауып
бердіңдер.

Қорытынды:
Балалар бүгін біз не үйрендік? Заттардың аз көп болатынын
- Балалар бүгін біз неше сан өттік? 1,2,3
- Қандай пішіндер білеміз? Үшбұрыш, шаршы, төртбұрыш, дөңгелек.

Өздеріңнің ойларыңды, тапқырлықтарыңды, қиындықтан қорықпайтындарыңды көрсеттіңдер. Жарайсыңдар балалар. Балаларды жеке жеке мадақтау.
Ал, енді балалар осымен бүгінгі сабағымыз аяқталды, бәріңізге уақыттарыңызды бөліп тамашалағандарыңызға рахмет.

Нені білу керек: Заттарды пішіндерінен ажырата алады, 1ден 3 ке дейін санды санауды. Кеңістікте бағдарлаудың алғашқы дағдыларын айта алады.
Нені білді: Өзінің іс – әрекет дағдысына баға береді. Заттардың ішінен геометриялық пішінге ұқсас заттар тобын құрады. Аз көп деген ұғымды түсінді.


Бекітемін _________ ______ Бекітемін _________ ______ КМҚК « Айналайын » ясли бақшасы КМҚК « Айналайын » ясли бақшасы
Меңгерушісі : Шакирова С Әдіскер : Мушакулова С
« 12 » наурыз 2015 жыл « 12 » наурыз 2015 жыл

Ашық сабақ
Тақырыбы: « Аз – көп деген ұғымды пысықтау; 1,2,3 цифрлары туралы ұғымды білу, геомертиялық фигураларды ажырату»

Дайындаған : Садыкова Ж.Т
II кіші топ « Құлыншақ »

2015 жыл

ID: 1553 | Просмотров: 5366