«Күз» нәтиже сабақ

  • Жүктеулер: 0
  • Көрсетілім: 1651
  • Бастауыш сыныпқа арналған ашық сабақтар
  • 27/Ноя/2015
Алматы облысы, Ескелді ауданы
«Ескелді ауданы әкімдігінің Байысов
атындағы орта мектебі МДШО» КММ
Бастауыш сынып мұғалімі
Қияқбекова Салтанат Талқыбайқызы

Сабақтың тақырыбы: «Күз» нәтиже сабақ

Сабақтың мақсаты:

1. Әр оқушының білім сапасын оқылым, тыңдалым, жазылым, айтылым әрекеттері арқылы арттыру. Тақырыпты шынайы өмірмен ұштастыру.
2. Күз мезгілінің өзіндік ерекшеліктерінің барын, пайдасын, маңызын айтып түсіндіру.
3. Есте сақтау қабілетін дамыту. Сауатты оқуға, жазуға баулу.

Көрнекілік: Компьютерлер, интерактивтік тақта, электрондық оқулық, суреттер

Пәнаралық байланыс: Информатика

Сабақтың барысы:

Ұйымдастыру кезеңі
Оқушылармен сәлемдесу

Үй тапсырмасын тексеру
Күзгі киімдерді атап, түстерін қосып сөз тіркестерін жасау.

Сабақтың тақырыбы, мақсаты
- 3 модуль - «Күз» тақырыбындағы нәтиже сабағын өткіземіз.
- Алдымызға қандай мақсат, міндеттер қоямыз? Бүгін сабақта не істейміз?

Ой толғау

Берілген сөздерден «Күз» тақырыбына байланысты сөздерді теру



Жаңбыр, қар, көкөніс, қыркүйек, асхана, шаңғы, жапырақ, жеміс-жидек, құстар.

Электрондық оқулықпен жұмыс
Сөздікпен жұмыс
1. Сөздерді тыңдау, қайталау.
Жемістер – алма, алмұрт, шие
Жидектер – таңқұрай, қарақат, жүзім
Көкөністер – картоп, қызанақ, сәбіз.

2. Естіген сөзді суреттен көрсету – оқылым
/жеміс-жидектер, көкөністер/

3. «Бақша» атты мәтінді тыңдау, оқу.
Мынау – бақша. Бақшада жеміс-жидек, көкөніс өседі. Жеміс ағашта өседі. Көкөніс жерде өседі. Ал жидек бұтада өседі. Күзде жеміс-жидек піседі.

4. Мәтін бойынша сұрақтарға жауап беру.
- Жеміс қайда өседі?
- Көкөніс қайда өседі?
- Жидек қайда өседі?
- Жеміс-жидек қашан піседі?

Дәптермен жұмыс. /интерактивті тақта/
Көн нүктенің орнына керекті сөздерді қойып, сөйлемдерді жаз.
1. ... келді .
2. Күзде ... піседі.
3. Балалар жылы ... киеді.
4. Құстар жылы жаққа ... кетеді..
Керекті сөздер: жемістер, күз, киім, ұшып.

Сергіту сәті
Бір, екі, үш деп,
Орнымыздан тұрамыз.
Құстар болып ұшамыз,
Төрт, бес, алты, жеті, сегіз деп,
Қайта келіп қонамыз.

«Қойылым»
- Біздің сабағымызға қонақтар келді. Олардың жұмбақтарын шешіп кім екендігін білеміз.

Көктемде көбелек-гүл боп қонамын,
Күзде қып-қызыл доп боп толамын.
/алма/

Жасыл шатыр астында,
Кететіндей үзіліп,
Тұр көп маржан тасындай.
Мойыл моншақ тізіліп.
/жүзім/

Құм ішінде басы,
Төбесінде шашы.
/сәбіз/

Сырты жылтыр, бұдыр жоқ,
Іші шырын қызыл доп.
/қызанақ/

Көкөністер мен жеміс-жидектердің арасында «кім пайдалы?» дау туындайды. Осы туындаған дауды «Күз» шешеді.

Ойын «Күзгі киім»
Қыздар қызды киіндіреді, ұлдар ұлды киіндіреді.




Қорытынды
1. Оқушылардың сабақта алған білімдерін тексеру

Нәтиже – тест 1 /компьютерде/
1. Алма ....... өседі?
А. жерде Ә. бұтада
Б. ағашта В. үйде

2. Бұтада не өседі?
А. алмұрт Ә. таңқұрай
Б. қызанақ В. сәбіз

3. Бақшада не өседі?
А. жүзім Ә. сәбіз
Б. шие В. қарақат

4. Жидекті тап.
А. қызанақ Ә. алмұрт
Б. алма В. қарақат

5. Жемісті тап.
А. алма Ә. сәбіз
Б. таңқұрай В. қарақат

6. Жеміс-жидек қашан піседі?
А. қыста Б. жазда
В. күзде Г. көктемде

7. Көкөністі тап.
А. жүзім Ә. шие
Б. қызанақ В. құлпынай

8. Жеміс-жидек қайда өседі?
А. мектепте Ә. сыныпта
Б. бақшада В. көлде

9. Көкөністі тап.
А. қарақат Ә. жүзім
Б. таңқұрай В. қызанақ

10. Жемісті тап.
А. картоп Ә. сәбіз
Б. шие В. қызанақ

2.Оқушылармен бірлесіп сабаққа қойылған мақсат бойынша саралау жұмысын
жүргізу
- Балалар, бүгін сабақта қандай жұмыс жүргіздік?
- Сабаққа қойған мақсатқа жеттік пе?

Үй тапсырмасы
«Күз» тақырыбына сурет салу. Сурет бойынша әңгіме құрастыру.


Бағалау
Оқушылардың білімдерін бағалау

Автор: Қияқбекова Салтанат Талқыбайқызы

загрузка...
Loading...

Пікірлер: 1

avatar
Сабағыңыз өте жақсы
Тек тіркелген қолданушылар ғана пікір қалдыра алады.