Ұ дыбысы мен әрпі

  • Жүктеулер: 786
  • Көрсетілім: 1489
  • Бастауыш сыныпқа арналған ашық сабақтар
  • 02/Апр/2015
Мерзімі:25.10.2013ж.
Пәні: Сауат ашу.
Сабақтың тақырыбы: Ұ дыбысы мен әрпі.
Сабақтың мақсаты:
білімділік: Жаңа дыбысты сөз ішінде сөз ішінде басқа дыбыстардан ажырату, оның бас әрпін, кіші әрпін таныту. Жаңа буындармен жаңа сөздермен таныстыру.
тәрбиелік: Табиғатты аялауға, әдептілікке, инабаттылыққа тәрбиелеу.
дамытушылық: Ұ дыбысы мен әрпінің жасалу жолын түсіндіру.
Сабақтың түрі: жаңа сабақты түсіндіру
Сабақтың өту-әдісі: түсіндіру, ұғындыру.
Сабақтың көрнекілігі: жыл мезгілінің суреттері, құс ұясы, қараторғайдың ұясы.
Сабақтың пәнаралық байланысы: дүниетану, математика.
Сабақтың барысы: І.Ұйымдастыру кезеңі.
Өтілген әріптерді пысықтау.
- Балалар, біз өткен сабақта қандай дыбыспен, әріппен таныстық ?
- Ж ж қандай дыбыс?
- Қане, тақтаға кім Ж дыбысының мен бас әрпін және кіші әрпін жазып көрсетеді? (Оқушы шығып жазып көрсетеді).
«Күн мен түн» ойыны. Ойын ойнату арқылы бас әрпі Ж дыбысынан басталатын кісі аттарын айтқызу (Жанай, Жәмила, Жанар). Сонымен бізге осы кезеңге дейін қанша әріппен таныстық.
- Осы әріптердің ішінен дауыстыдыбыстарды кім атап береді?(Оқушылар дауысты дыбыстарды атап береді).
«Шатаспақ» ойыны. Ойын шарты бойынша әріптер кассаға ретсіз қойылады. Оқушылардың көмегімен соларды дұрыс орналастырып, сөздердегі дауысты, дауыссыз дыбыстарды айтқызу.
(Оқушыларға үйге берілген Ж дыбысын оқыту).
Жаңа сабақ.
- Балалар, жылдың қанша мезгілі бар?
- Қазір қай мезгіл, табиғаты туралы кім әңгімелеп береді?
«Күз» өлеңін оқып беріп, мазмұнын талдау.
Күн мұңайып тұр бүгін,
Қыс ызғары келеді.
Құс шуласып тұр бүгін
Жоғалтпасақ дегені.
Құс керуені тұр көкте,
Қайда барып тоқтайды,
Ағаш біткен дірілдеп,
Жапырағын жоқтайды.
Дүниетану пәнімен байланыстыру.
- Қане, сендер қандай құстарды білесіңдер? Олар немен қоректенеді? Күзде құстар тіршілігінен не байқадыңдар?
Әңгімелеу әдісі.
Балалар, алысқа ұшатын құстар, күзде жылы жаққа қайтар алдында әбден балапандарын баулып, жақын жерлерге ұшады. Балапандарын әбден жаттықтырып алған соң, барып алысқа ұшуға бет алады. Алдымен қоректерін жерден шұқып қоректенетін қараторғай, шымшық, ұзақ сияқты құстар қайтады.
Ал кейбір құстар қыстап қалады. Олар қарға, сауысқан, алақарға, торғай т.б. Олар жемдерін қар астынан тауып жеуге икемді. Тұмсықтары үшкір, мықты, тырнақтары өткір. Қыста тамақ табу қиын болғандықтан ауыл маңында жүріп, түрлі тамақ қалдықтарымен қоректене береді. Олардың қалың мамықтары суықтан қорғайды.
Естеріңде болсын:
1. Құстардың ұясын бұзуға болмайды.
2. Жұмыртқасын алуға болмайды.
3. Құстарды аялап қамқорлық жасау керек.
4. Олардың бізге пайдасы көп, бау-бақшаның ағаштың құртын жейді.
5. Даланың көркі, сайрайды, ән салады.
Ұяның суретін көрсетіп, түсіндіру.
Мәтінді сөздерді оқыту.
Ұлу Ұ-лар құ-рақ
Ұлан бұтақ бұл-бұл

Автор: Абилдаева Гаухар Рустемовна

Ордабасы ауданы Шұбарсу елді мекені "Ынтымақ" негізгі орта мектебі

загрузка...
Loading...

Пікірлер: 0

Тек тіркелген қолданушылар ғана пікір қалдыра алады.