Жас ұстаз – 2015 байқауы
Елбасымыз Нұрсұлтан Әбішұлы Назарбаев: «Заманауи әлемде елдің қуаты ең алдымен сол елдің азаматтарының білімімен өлшенеді, ал сол білім елдің дамуына жарата білуімен бағаланады» деген болатын.
№67 орта мектепте білімгер жас мұғалімдер арасында «Жас ұстаз - 2015» атты педагогикалық сайыс болып өтті. Мақсаты – жас ұстаздарды шыңдау, ұстаздарды түрлі қырларынан таныту. Аталған сайысқа түрлі саладағы 9 мұғалім қатысты. Сайыс нәтижесінде қазақ тілі мен әдебиеті пәнінің мұғалімі Камал Мейіржан«Жас ұстаз - 2015» деп танылды. Жүлделі І-орынды Бауыржанова Қаракөз, ІІ-орынды Серікбаева Зейлімхан, ІІІ-орынды Юсупова Айдана иеленіп, түрлі номинациялар бойынша қатысушы жас мұғалімдер марапатталды. Марапаттаулармен қоса қатысушыларға сыйлықтар табыс етілді.
Мектеп директоры Д.Есепбаев: «Елімізді табысқа жеткізудің 3 кілті: «білім, ғылым, инновация» десек, міне, осы 3 кілт те ең алдымен бәсекеге қабілетті ұстаздардың бойынан табылуға тиісті. Себебі, ұстаз еліміздің болашағын тәрбиелейтін тұлға болып табылады» деп жүлдегерлерді марапаттап, ұлағатты ұстаз атына лайықты болуға шақырды.

Бағдарлы оқу ісі жөніндегі орынбасары: Н. Ділжанова,
Қосжар ауылы

ID: 354 | Просмотров: 2247