Ұстаз болу- жүректің батырлығы

Ұстаз болу- жүректің батырлығы.
Ұстаз- жас ұрпақтың рухани сәулеткері, қоғам, халық өзінің үміті мол болашағын тапсыратын сенімді өкілі. Мұғалім деген-аяулы адам асыл жан, Шәкірт көңілінде күн болып жайнап жанатын. Мектептің басты тұлғасы, жүрегі мұғалім. Егемен еліміздің ертеңін ойлар білімді де саналы, Отанын, туған жерін, ұлтын сүйетін ұлтжанды парасатты азаматта тәрбиелеуде мұғалімнің еңбегі орасан зор екенін баршамыз мойындаймыз. Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Ұрпақтың ұлы мұраты жолында талмай еңбек етіп жүрген ұстаздарды « Мектеп-білім тірегі, Ұстаз-оның жүрегі» деп еліміз тауып айтқан екен.
Әрине, ұстаздардың ұстазының жүгі-ауыр жүк. Ұстаздардың әсерлі үнмен, асықпай мәнерлеп сөйлеген сөзінен әрбір мұғалімге деген қамқорлықтың, аналық, әкелік сезімінің дана ойдың ыстық лебі есіп тұрғандай. Иә, адамның жан дүниесін түсініп, ренжітпей, қателігін сездіре білу- бұл нағыз шеберлік емес пе? Бала бойына ата-анадан кейінгі ақыл-ой, адамгершілік, әдептілік, ар-ұят, ұлттық сана-сезімді сіңіруші адам- Мұғалім.
Ғалым да, шахтер да бас иетін,
Ұстазым, бар сенің қасиетің.
Білім берген, ой берген, ақыл берген,
Көз алдымнан кетпейді асыл бейнең...Шындығында, мұғалім барлық мамандық иесін тәрбиелейтін, оқытып, үйрететін абзал жандар, ал мұғалімнің- мұғалімі ол ізгілікті жандар.

А.Г.Жагипаров
Көкпекті ЖББОМ қазақ тілі мен
әдебиет мұғалімі

Автор: Жагипарова Айзат Галымовна

Қарағанды облысы, Бұқар Жырау ауданы,Көкпекті ЖББОМ

18
Декабрь
0
1534
загрузка...
Loading...

Пікірлер: 0

Тек тіркелген қолданушылар ғана пікір қалдыра алады.