Ел басына түсті міне қара түн,
Елдің бәрін қан жылатты осы күн.
Таң сәріде хабар келді халыққа,
"Елің үшін аттан тез" деп соғысқа.

Қан майданда қан төгісті қаншама,
Жас па кәрі маңызы жоқ ол жақта.
Фашистерге қарсы шығып ұландар,
Елі үшін жанын қиды бұл жандар.

Фашист үшін қан төгілген майданда,
Болды тағы Сабыр деген ер,дана.
Өз елінің тыныштығын ойлаған,
Оқ тисе де соғысуды қоймаған.

Фашистерге қарсы күрес кезінде,
Қан майданда аламан жұрт жүргенде,
Мина түсті бір топ халық үстіне,
Қаша алмады жан тапсырды амал не?

Бұл оқиға болған жерде ер Сабыр
Болды,бірақ тірі қалды бұл пақыр.
Жан қиналып азаптанды майданда
Тоқтамады,оқ жаудырды қу жауға.

Жарақаты жазылмады байқұстың,
Қара қанға бөлеп қойды жер үстін.
"Сабыр" десе сабыр менен шыдады
Өз атына лайықтығын ұғады.

Ең соңында үзілді ғой тәтті жан,
Өз ерлерін ұмытпайды бұл отан.
Отан үшін бейбіт керек мезгілде,
Кім болса да соғысты ғой майданда.

ID: 258 | Просмотров: 2438