Басты бет » 2015 » Февраль » 22 » «Ақпараттық –коммуникациялық технологияны пайдалану арқылы білім сапасын арттыру» коучинг сабағы жайында рефлексивті есебі.
01:59
«Ақпараттық –коммуникациялық технологияны пайдалану арқылы білім сапасын арттыру» коучинг сабағы жайында рефлексивті есебі.
загрузка...
«Ақпараттық –коммуникациялық технологияны пайдалану арқылы білім сапасын арттыру» коучинг сабағы жайында рефлексивті есебі.
Коучинг сабағымның тақырыбын «Ақпараттық- коммуникациялық технологияны / АКТ/ пайдалану арқылы білім сапасын арттыруды» алған себебім, оқушыларға білім беруде жаңа оқыту технологияларын қолдану, инновациялық бағытта жұмыс жасау заман талабына сай талап етілуде. Менің жеті модульден «оқыту мен оқуда АКТ-ны пайдалану» модуліне көңіл аударған себебім, мұғалімдерге оқыту барысында ғылыми жетістіктерді пайдалану, оқытуды жетілдіру мақсатында АКТ-ны қолдану бойынша көмек көрсету болатын. Мен үшін ақпараттық –коммуникациялық технологияны пайдалану арқылы білім сапасын арттырудың маңыздылығы, АКТ-ның дамуы білімді бағалау мен пайдалану жүйесін де уақытылы өзгеріп отыруды талап етеді.

Коучинг сабағына қатысушылар
Екінші коучинг сабағыма да алғашқы коучинг сабағымдағы мұғалімдер, яғни Жолдықараева А, Исмайлова Н, Баймбетова Б, Айтбаева М, Паметова Ж, Сералива А қатысты. Бірінші сабақ ұнағандықтан ба, екінші сабаққа мұғалімдер қызығушылықтарын білдіріп, кешікпей келді. Сыныпқа кіре бере «бүгін қалай топқа бөлінеміз?», «қандай тапсырма бересіз?», «постер жасаймыз ба?» деген сауалдарын қоя бастады. Коучинг барысында жеті модульді егжей-тегжей түсіндірілді. Мұғалімдер бір серпіліп сабақ өтуге деген құлшыныстары арта түсті.
Білім беру жүйесіндегі үнемі жаңарулар мен өзгерістер неліктен жасалынып жатыр? Бұл өзгерістер кімге қажет? «Мектептің тірегі де, тіреуі де мұғалім» деп Ахмет Байтұрсынов айтқандай мұғалімге де, оқушыға да, қоғам талабына сай міндеттер жүктелуде. Соның ішінде мұғалімге қойылатын талап ерекше. Ұстаздың бүгінгі бейнесі білімділік, парасаттылықпен қатар заман талабына сай мұғалім болуымен ерекшеленеді. Олай болса, білімнің жаңа мазмұнын жүзеге асыру үшін жаңа технологиялар ауадай қажет-ақ.
АКТ оқу барысында компьютерді пайдалануға, электрондық оқулықтарды, интерактивті тақтаны қолдануға, интернетте жұмыс істеуге, компьютерлік оқыту бағдарламаларына негізделеді. Сабақ беру әдісіне компьютерлік технологияның жаңаша өзгерістер мен идеяларды қосатынына сенімім мол. АКТ – ның көмегімен оқушының оқуға қызығушылықтары артып, өзіндік баға беруі, өзін-өзі бағдарлауы да дами бастайды. Коучинг сабағымның басты мақсаттары:
• Мұғалімдерге оқу-тәрбие үдерісін ұйымдастыруда ақпараттық технологияларды пайдалануды үйрету.
• Мұғалімдерге АКТ-ны қолдануда кәсіби қолдау көрсету.

Ынтымақтастық ахуал қалыптасты

үшін, оларға А4 парақтарын тараттым да, өздерін «кімге? неге?» теңейтінін туралы сурет салуды тапсырдым. Олар ойланып отырып параққа әр түрлі бейнелерді сала бастады. Әрқайсысы өздерін қалай бағалайтынын, салған суреттеріне қарап сипаттама беріп, қорғап шықты. Мұғалімдердің көңіл–күйлері көтеріңкі болды. Ынтымақтастық ахуал қалыптасты. Топта бір-бірімен тығыз байланыста болғандары көрініп тұрды.


Сабағымның келесі кезеңінде интерактивті тақталардың мүмкіншіліктерін, жаңа түрлерін көру мақсатында видеороликтер тамашалады. Интерактивті тақтадан «Оқыту сапасын арттыру үшін жаңа технологияларды пайдалану» көрсетілімін көрсеттім.
Бұл көрсетілімді көрсеткен себебім, ХХІ ғасыры – ақпараттандыру ғасыры болғандықтан адамзатқа компьютерлік сауаттылық қажет. Ал бұл сауаттылықтың алғашқы баспалдағы мектептен басталады. Мектеп қабырғасынан теориялық біліммен қатар практикалық білімді ұштастыру үшін АКТ – ның мүмкіндіктерін пайдалану оқушылардың білім сапасын арттыруға көмектеседі. Заман ағымына қарай күнделікті сабаққа аудио қондырғыларды, теледидарды, компьютерді қолдану айтарлықтай оң нәтиже береді. Кез-келген сабақта электрондық оқулықтарды пайдалану оқушылардың танымдық белсенділіктерін арттырып қана қоймай, логикалық ойлау жүйесін қалыптастыруға, шығармашылықпен жұмыспен айналысуына жағдай жасайды.

Топтық жұмысты талқылау
Оқу процесінде АКТ-ны тиімді пайдалану және қолдану дағдыларын, білім сапасын арттыруда пайдалануды мұғалімдерге коучинг сабағымда толықтырып өткізгім келді. Бұл ұсынысымды олар бірауыздан қолдады.
Коучинг сабағының келесі кезеңінде топтық жұмысқа «Білікті - жаңашыл мұғалімнің сабағы қандай болу керек?» деген тапсырма берілді.
Топтағы мұғалімдер осы сұрақ бойынша постер жасауға кірісіп кетті. Мұғалімдер АКТ-ны өз сабақтарында қалай пайдалану жолдарын іздестіріп, постер жасады, бір шешімге келді. Топтан спикер шығып қорғады. Коучингке қатысқан ұстаздардың барлығы өз пәнімен қатар ақпараттық сауаттылық болу керектігін жақсы түсінді. Мұғалімдер оқушылардың білім алу деңгейлерін сапалы ету мақсатында ақпараттық технологияны әрбір сабақта қолдану қажеттілік болып табылатынын, АКТ–ның келешек ұрпақтың жан-жақты білім алуына, іскер әрі талантты, шығармашылығы мол, еркін дамуына жол ашатын педагогикалық, психологиялық жағдай жасау үшін де тигізер пайдасы өте көп екендігін ортаға салып талқылады.

Постер қорғау
Мұғалімдердің көңіл-күйін көтеру мақсатында «Қара жорға» биі сергіту сәті жасалынды. Мұғалімдердің барлығы жақсы серпіліп, мұндай сергіту сәті болса оқушылар да, өздері де жалықпайтындарын айтып, көңілді орта қалыптастырды. Коучинг сабағында қолданылған барлық іс-әрекеттер өте сәтті өтілді. Берілген тапсырмаларды, өз білгендерінше орындап, құлшына істеді. Сабақ соңында мұғалімдер рефлексия жасауда түрлі түсті стикерлерге коучинг сабағынан алған әсерлерін, түсініксіз тұстарын, келешекте не істеу керек, нені үйренгілері келетін тақырыптарын жазды.
Коучинг сабағымның нәтижесінде, коучинг – мұғалімге бағыт-бағдар беріп, оның шеберлігін шыңдап, әрі қарай өсуіне ықпал етеді. Қандайда бір нақты бір мәселелерді шешуге итермелейді. Коучинг сабағын тыңдаушыға қандайда бір ережелер жүйесін ұсынушы болып табылады. Коуч өткізушісі – жаттықтырушы, бапкер. Коучингті өткізу үшін тиянақты дайындық, білім дағды қажет екендігін, коучтың міндетін біліп, Кембридж бағдарламасы бойынша дайындалған 2-ші деңгей біліктіліктігін арттыру курстарында үйренген, жинақтаған іс-тәжірибемді мектептегі тәжірибеде коучинг жургізу арқылы жүзеге асырдым. Әріптестерім ІІ деңгейлі курстан алған іс-тәжірибемнен кішкене болсын мәлімет жинақтап, өз тәжірибелерінде қолдана алды деп ойлаймын.
Қорыта келгенде «Ақпараттық–коммуникациялық технологияны пайдалану арқылы білім сапасын арттыру» тақырыбындағы коучинг сабағымның өз әріптестеріме әдістемелік көмегі ретінде, АКТ-ны қолдану мақсатында болашақта өз пәндері бойынша тақырыптық тест бағдарламаларын компьютерде жасау, электрондық оқулықтарды дайындау, ғылыми терминдерді жинақтау сияқты бағдарламаларды әріптестеріме семинар сабақтарын өткізу арқылы, қосымша курс ұйымдастыруға ұсыныс беріп, АКТ-ны пайдаланудағы сауаттылықтарын көтеруді меңгертуді жоспарлап отырмын.
Пайдаланылған әдебиеттер:
1. Мұғалімдерге арналған нұсқаулық. 2 –деңгей
2. «Мектеп» журналы
3. «Информатика негіздері» журналы
loading...

Авторы:

Бөлім: Эссе | Көрсетілім: 1877 | Қосты: Жайықбаева_Жібек | Рейтинг: 0.0/0
Барлық пікірлер: 0
Пікірді тек тіркелген қолданушылар ғана қалдыра алады
[ Тіркелу | Кіру ]
Іздеу
Сертификат алу
Бөлімдер
Ұстаздарға
Ата-аналарға
Біздің мектеп
Баяндама
Эссе
Оқушыларға
Конкурс ең үздік шығарма
Ең үздік шығарма конкурсына арналған. Шығармаларды осы жерде жазамыз
Сайтқа кіру
Логин:
Пароль:
Күнтізбе
«  Февраль 2015  »
ПнВтСрЧтПтСбВс
      1
2345678
9101112131415
16171819202122
232425262728
Жазба мұрағаты
Сұрақ
Сізге сайттың жаңа дизайны ұнады ма?
Барлық жауаптар: 5926
Бізге қосыл
Жаңалықтар
Санақ

Онлайн: 45
Қонақтар: 45
Тіркелгендер: 0